അശ്ലീല വെബ്സൈറ്റുകള്
1969ല് അമേരിക്കയില് അവരുടെ സൈനിക ആവശ്യാര്ത്ഥം ഇന്നത്തെ ഇന്റെര്നെറ്റിന്റെ പ്രാഥമിക രൂപം നിലവില് വന്നെങ്കിലും 1991 ല് World Wide Web ന്റെ രംഗപ്രവേശനത്തോടെയാണ് ഇന്റര്നെറ്റിന്റെ വ്യാപനം ലോകാടിസ്ഥാനത്തില് ഉണ്ടാകുന്നത്. ഒരുപാട് പ്രതീക്ഷകളും അത്രതന്നെ ആശങ്കകളും സമൂഹത്തില് നുരഞ്ഞുപൊന്തി. പലരും പ്രതീക്ഷകളെ ചര്വ്വിതച്ചര്വ്വണം നടത്തി. ആശങ്കകളെ മുന്നിറുത്തി ജാഗ്രതാ സന്ദേശങ്ങള് കൈമാറി. എന്തുതന്നെയായാലും ഇന്റര്നെറ്റിന്റെ ആഗമനം സാങ്കേതിക രംഗത്തെ മികവുറ്റതാക്കിയെന്നതില് തര്ക്കമില്ല. സ്ഫോടകാതമക രൂപത്തിലാണ് ഇന്ന് നമുക്ക് ഇന്റര്നെറ്റ് വിജ്ഞാനങ്ങള് നല്കിക്കൊണ്ടിരിക്കുന്നത്. അതേസമയം ഈ മേഖലയിലെ അശ്ലീലതയുടെ അതിപ്പ്രസരണം തടയിടാന് നവലോകക്രമത്തിനായില്ല.
അനുദിനം ഓപ്പണ് ചെയ്യപ്പെട്ടുകൊണ്ടിരിക്കുന്ന മില്ല്യന് കണക്കിന് അശ്ലീല വെബ്സൈറ്റുകള് മുന്കാലങ്ങളില് നിന്നും വ്യത്യസ്തമായി നവലോകക്രമത്തിനു പുതിയപുതിയ വെല്ലുവിളികളാണ് സൃഷ്ടിക്കുന്നത്. വിശിഷ്യാ വളര്ന്നുവരുന്ന ധാര്മ്മിക ജനതയെ നിശ്ശേഷം തുടച്ചുനീക്കപ്പെടുമോയെന്നുതന്നെ സംശയിക്കേണ്ടിയിരിക്കുന്നു. മൃഗീയതയുടെ സര്വ്വ അതിര്വരമ്പുകളും ലംഘിച്ചുകൊണ്ട് വര്ധിച്ചുവരുന്ന ഇത്തരം അശ്ലീല വെബ്സൈറ്റുകളെ എങ്ങിനെ പ്രതിരോധിക്കാമെന്നത് ധാര്മ്മികതയുടെ പക്ഷത്തു നില്ക്കുന്ന ഏതൊരാളും ചിന്തിക്കേണ്ട വസ്തുതയാണ്.
ഈ വിഷയത്തില് 75% വിജയം വരിച്ച രാജ്യമാണ് യു.എ.ഇ. ഔദ്യോഗികമായി ബ്ലോക്ക് ചെയ്ത നിരവധി വെബ്സൈറ്റുകളുടെ ഗണത്തില് സെക്ഷ്വല് ഉള്ളടക്കങ്ങളുള്ള എലാവിധ സൈറ്റുകളും ബ്ലോക്ക് ചെയ്തു. ഏതൊരു കാര്യത്തിനും അപവാദമെന്നപോലെ ഇതും അതിവിദഗ്ദന്മാര്ക്ക് ഓപണ് ചെയ്യാമെങ്കിലും രാജ്യത്തിന്റെ ഉള്ളില് നിന്ന് ആര്ക്കും വൃത്തികെട്ട സൈറ്റുകളിലേക്ക് പ്രവേശിക്കാനാകില്ലെന്നത് വലിയൊരാശ്വാസമാണ്. ഇത് തീര്ത്തും മാതൃകാപരമാണ്. സൌദിഅറേബ്യയും ഈ വിഷയത്തില് ഒരേ നിലപാടാണ് സ്വീകരിച്ചിരിക്കുന്നത്.
ഒരു രാജ്യം ഇത്തരം ധീരമായ നിലപാടെടുക്കുന്നതിലൂടെ എത്രയോ ജനങ്ങള്ക്ക് നേര്വഴിയാണ് തുറന്നുകൊടുക്കുന്നത്. നമ്മുടെ ഇന്ത്യാ രാജ്യവും ഇത്തരം ഒരു നിലപാടിനെ സംബന്ധിച്ച് കര്ക്കശമായി ആലോചിച്ച് നടപ്പില്വരുത്തല് അനിവാര്യമാണ്. 2012 മെയ് മാസത്തിലും അല്ലാതെയുമായി നമ്മുടെ ഗവര്മെന്റ് ഏകദേശം ആയിരത്തില് പരം വെബ്സൈറ്റുകളാണ് ബ്ലോക്ക് ചെയ്തത്. അതില് സെക്ഷ്വല് വെബ്സൈറ്റുകള് ഒന്നുമില്ലെന്നു തന്നെ പറയാം. അത്രയ്ക്കും വിരളമായിരുന്നു. ഇന്ത്യന് രീതിയുള്ള സെക്ഷ്വല് സൈറ്റുകളും അല്ലാത്തവയുമായ എല്ലാ വെബ്സൈറ്റുകളും ഇന്ന് രാജ്യത്ത് അനുവദനീയമാണ്. ഇത് നിര്ഭാഗ്യകരമാണ്!. വളര്ന്നുവരുന്ന തലമുറയെ ഇത് തെറ്റായവഴിയിലെക്ക് പ്രേരിപ്പിക്കും. ഏത് അല്പബുദ്ധിക്കാണിത് അറിയാത്തത്?
ഇന്റര്നെറ്റ് വരവോടെ അശ്ലീലത ഒരു വില്ലനായി. അതിനുമുമ്പ് അവ 'മ' പ്രസിദ്ധീകരണങ്ങളില് നിശ്ചലമായിരുന്നു. ഇന്നവ ചലിക്കുന്നവയായി. mp4, AVI, mmv, തുടങ്ങിയ ഫോര്മാറ്റുകളില് സി.ഡി. കളിലൂടെയും യു.എസ്.ബി കളിലൂടെയും അവ പ്രസരിക്കാന് തുടങ്ങി. കുഞ്ഞുമക്കള് ഇന്റര്നെറ്റ് കഫേകളില് പാത്തും പതുങ്ങിയും പോകില്ലെന്ന് ഒരുകാലത്ത് സമാധാനിക്കാമായിരുന്നു. പിന്നീട് വീടുകളില് കമ്പ്യൂട്ടറുകളുടെ രംഗപ്രവേശം കാര്യങ്ങള് കൂടുതല് സങ്കീര്ണ്ണമാക്കി. ഇപ്പോള് മൊബൈലുകളുടെ വ്യാപനവും മൊബൈല് കമ്പനികളും അവരുടെ ഓഫറുകള് കൂടി ചാകരയായപ്പോള് കാര്യങ്ങള് കൈവിട്ടുപോയി.
അശ്ലീല വെബ്സൈറ്റ് നിര്മാതാക്കള് അതുവഴി കോടികള് കൈവശപ്പെടുത്തുമ്പോള് ഇത്കൊണ്ട് സമൂഹത്തിനോ മതത്തിനോ രാഷ്ട്രത്തിനോ വ്യക്തികള്ക്കോ എന്ത് ഗുണമാണ് ലഭ്യമാകുന്നത്? കണ്ണുകള്ക്ക് കേവല നൈമിഷിക ഹരം പിടിപ്പിക്കുകവഴി തിന്മകളെ സംബന്ധിച്ച് ചിന്തിക്കുവാനും പ്രവര്ത്തിക്കുവാനും ഇത്തരം സൈറ്റുകള് വഴിതുറക്കുന്നു. സമൂഹത്തിനിടയിലെ ധാര്മ്മിക ചട്ടക്കൂട് തകര്ന്നടിയുന്നതിലൂടെ അരാചകത്വം അരങ്ങുവാഴാന് ഇത് നിമിത്തമാകുന്നു.
രാജ്യത്തിന്റെ ബഹുമാനപ്പെട്ട നിയമപാലകരോട് ഈ ധര്മ്മ തീരത്ത് നിന്നും വിനയപുരസരം അറിയിക്കാനുള്ളത്, 'വേണം, ഈ അശ്ലീല ചിത്രങ്ങളും വീഡിയോകളും സന്ദേശങ്ങളും പ്രചരിപ്പിച്ചുകൊണ്ടിരിക്കുന്ന വെബ്സൈറ്റുകള്ക്കൊരു കൂച്ചുവിലങ്ങ്. അശ്ലീല ഉള്ളടക്കങ്ങളടങ്ങിയ എല്ലാ വെബ്സൈറ്റുകളും ജാജ്യത്തിനകത്ത് ബ്ലോക്ക് ചെയ്യുക. ധാരിമ്മികതയുടെ പക്ഷം ചേര്ന്ന് വളര്ന്നുവരുന്ന മക്കള്ക്ക് അല്ല, സര്വ്വ ജനങ്ങള്ക്കും അതൊരു ആശ്വാസമാണ്. രാജ്യത്തെ ജനങ്ങള് ധര്മ്മപാതയിലൂടെ വളര്ന്നു വരാന് ഇതൊരു വലിയ മുതല്കൂട്ടായി മാറും സംശയമില്ല.'
+%E0%B4%A8%E0%B5%8D%E2%80%8D%E0%B4%B1%E0%B5%86+%E0%B4%AE%E0%B4%96%E0%B5%8D%E0%B4%AC%E0%B4%B1.jpg)
